Loftslagsvernd í verki er 7 vikna námskeið  sem ætlað einstaklingum sem vilja prófa sig áfram og leggja sitt af mörkum í þágu loftslagsins. Námskeiðið er valdeflandi ferli sem miðar að því að styðja þátttakendur til að finna eigin leiðir til að draga úr kolefnissporinu.

Hóparnir vinna sig í gegnum nokkra áfanga sem miða að því að hver þátttakandi skoði eigin lífsstíl, hvort sem er á heimilinu, í starfi eða sem almennur borgari.

Hverju get ég mögulega breytt?

Fjallað er um samgöngur, matarvenjur, húsnæði, neyslu og hvernig við getum hvatt fleiri til dáða.

Þátttakendur hvers hóps ferðast saman í gegnum námskeiðið á vefnum og fá stuðning og hugmyndir hver frá öðrum. Í framhaldinu geta þeir velt fyrir sér til hvaða aðgerða sé hægt að grípa. Í kjölfarið setja þeir sér raunhæf markmið til skemmri og lengri tíma.

Taktu þátt strax í dag og dragðu úr eigin kolefnisspori!

Bakhjarlar námskeiðisins

Námskeiðið er undirbúið í samstarfi Landverndar við Kvenfélagasamband Íslands og Umhverfisstofnun. Ráðgjafi námskeiðisins var Auður H. Ingólfsdóttir, eigandi og framkvæmdastjóri Transformia – Sjálfsefling og samfélagsábyrgð.
Loftslagsvernd í verki nýtur stuðnings Umhverfis- og auðlindaráðuneytisins.

_________________________________

Leiðbeiningar fyrir skráningu:

Þú velur námskeiðið með því að smella á hnappinn “setja í körfu” og fylgir venjulegu vefverslunarferli, þar sem þú skráir nafnið þitt og aðrar upplýsingar, sem eru nauðsynlegar til að kerfið þekki þig. Allar greiðslur fara yfir öruggt vefsvæði Borgunar og því er Landvernd aldrei með greiðsluupplýsingarnar þínar.

Námskeiðið býðst mörgum endurgjaldslaust

Námskeiðsgjald er kr. 4.900. En ef þú ert félagi í eftirfarandi félögum og fyrirtækjum getur þú haft samband landvernd@landvernd.is og fengið afsláttarkóða.

Landvernd umhverfisverndarsamtök

Kvenfélagasamband Íslands (meðlimir allra héraðssambanda og kvenfélaga innan KÍ)

Ungir umhverfissinnar

Ferðafélag Íslands

Munasafn – Reykjavik Tool Library

Ef þú ert með afsláttarkóða þá seturðu hann inn í tilheyrandi reit á greiðslusíðunni og uppfærir körfuna. Með afsláttarkóða þarf ekki að setja inn upplýsingar um greiðslukort og þú ferð beint á yfirlitssíðu námskeiðs þegar þú smellir á “Panta” hnappinn.

Þegar þú greiðir fyrir námskeiðið með greiðslukorti og pöntunin er runnin í gegnum greiðslukerfi Borgunar, þá er þér vísað beint á yfirlitssíðu námskeiðsins.

Hvort sem þú nýtir afsláttarkóða eða greiðir með kreditkorti, þá mun kerfið senda þér tölvupósta með kvittunum, notandanafni og sjálfgefnu aðgangsorði. Þú getur alltaf breytt aðgangsorði með því að fara inn á “Mínar síður”.

Mínar síður

Þú getur ávallt skráð þig inn á nýjan leik með því að fara inn á “Innskrá” og ef þú gleymir lykilorðinu, þá nýtirðu hlekkinn á innskráningarforminu, sem býður upp á þá aðgerð. “Mínar síður” geyma síðan upplýsingar um aðganginn þinn og hér er hægt að breyta lykilorði og sjá yfirlit yfir námskeið.